Tarix boyu bir çox istedadlı şəxsiyyətlər insanlıq naminə gördüyü işlərlə bəşəriyyətin yaddaşında silinməz izlər buraxıblar. Belə insanların bəzilərilərinin istedadları ilahi vəhyin, bəzilərininki isə həyat təcrübəsinin əsasında yaranır. İstər səmavi vəhydən, istərsə də bəşər əməyindən doğan xüsusi istedadların bir çoxu insanlığa xidmət edir. Xüsusi istedad sahiblərinin əksəriyyəti təkcə yaşadığı coğrafi mühitə, yaxud təmsil etdiyi din və millətə aid deyil. Onlar bu ilahi nemətdən bəşəriyyətin rifahı üçün istifadə edirlər. Gözəl və ibrətamiz şeirləri, əsərləri ilə milyonlarla insanın qəlbinə nüfuz edərək həyatında əsaslı dəyişikliyə səbəb olan şair və yazıçıların özləri də xüsusi bir istedad sahibləridir. Bu cür dahilər bəşər övladının həyatındakı bütün sahələrin incəliklərini bildikləri üçün bir çox təsirli əsərlər yarada bilmişlər. Onlar o qədər canlı obrazlar yaradırlar ki, hər bir oxucu özünü həmin əsərin baş rollarının ifaçısı kimi hiss edir. Əsərlə tanış olduqdan sonra sanki müəlliflə doğmalaşır. Xüsusi istedadlı insanlar bəşəriyyətin çox nadir insanlarıdır. Onlar həyata bir ulduz parıltısı kimi şəfəq saçaraq öz hərarətləri ilə hamını isidir və gözəl incilər bəxş edir. Hər sahədə - bəşəri məşğuliyyətlərin hər birində tarixən istedadlı insanlar olur. İstedadsızlara nisbətdə onların sayı çox az olur. Bu gün ətrafımızda onlarla xüsusi istedada malik dostlarımız var. Kimi rəsm çəkir, kimi şer yazır, kimi musiqi bəstəliyir, kiminin səsi gözəldi, kimi gözəl rəqs edir və.s. Ancaq bəzən bütün bunlar bir çox səbəblərdən ya kölgədə qalır, ya da sadəcə işıqlandırılmağını istəmirik. İstedad isə paylaşıldıqca daha da inkişaf edir. Bu barədə yerində deyilmiş bir məsəl var "İstedadlıya kömək ol, istedadı olmayan öz yolunu tapa biləcək”. Hər birimiz həmin şəxslərin daha da yüksək nailiyyətlər əldə etmələri üçün onlara dəstək olmalıyıq. "N-production"-nın təşəbbüsü ilə yaradılmış www.dudo.ucoz.ru saytı istedadlı gənclərin bacarıqlarını işıqlandırmaqda və onların biri biriləri ilə sıx əlaqə saxlamaqlarında yardımçı olacaqdır. Düşünürəm ki, bu cür şəxslərin nəinki ölkədaxilidə eyni zamanda dünyada tanınması www.dudo.ucoz.ru saytının bütün kollektivinin ən böyük qələbəsi hesab edilə bilər.

www.dudo.ucoz.ru saytı öz növbəsində keçirilən müsabiqələrdə iştirak etmək üçün saytda yüksək reytinqə malik şəxsləri müsabiqə administrasiyasına təklif edəcək. Təkliflər qəbul olunduğu anda həmin şəxslərə bu barədə məlumat veriləcək. Əziz dostlar əgər Sizin və ya ətrafınızda olanlardan bir kimsənin hər hansı sahədə xüsusi istedadı varsa buyurun, bizə müraciət edin.

Sayt xeyriyyə xarakterli olduğu üçün elanların yerləşdirilməsi pulsuzdur.