Rusiyanın tanınmış astroloqu Pavel Qloba dünyanın gələcəyi ilə bağlı növbəti proqnozlarını verib. P.Qlobanın proqnozuna görə, iqtisadi böhran 2020-ci ilə qədər davam edəcək. Nəticədə dünyanın siyasi xəritəsində ciddi dəyişikliklər olacaq və geosiyasi güclər nisbəti kökündən dəyişəcək. Astroloq onu da nəzərə çatdırıb ki, o, iqtisadi böhranın olacağı barədə hələ 1999-cu ildə proqnoz verib.
P.Qloba 2014-cü ili insanlığın 3-cü Dünya müharibəsinə yaxınlaşması ili kimi dəyərləndirib: «2014-cü ili olduqca təhlükəli görürəm. Bu ildə Uran Oğlaq bürcündə olacaq. Bu dönəmi gərgin savaş dönəmi kimi də qiymətləndirmək olar. Mən Şərqdə ardıcıl, uzunmüddətli müharibənin başlanmasından qorxuram. Allah eləməsin ki, bu, İranla bağlı olsun. Çünki belə olan halda terrorizmi nəzarətdə saxlaya bilməyəcəyik».
Astroloq Rusiya ilə bağlı olan proqnozlarını da verib. Bildirib ki, 2014-cü ilə qədər Rusiyada müharibə gözlənilmir. Amma ölkə daxilində gərginliyin, banditizmin güclənmə ehtimalı böyükdür.
|